Ժերմեին Լենս
Ժերմեին Լենս նիդ․՝ Jeremain Marciano Lens | |||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() Լենսը 2015 թվականին | |||||||||||||||||||||||||||
Անձնական տվյալներ | |||||||||||||||||||||||||||
Ամբողջական անուն | Ժերմեին Մարսիանո Լենս | ||||||||||||||||||||||||||
Ազգությունը | հոլանդացի | ||||||||||||||||||||||||||
Քաղաքացիությունը |
![]() | ||||||||||||||||||||||||||
Ծննդյան ամսաթիվ | նոյեմբերի 24, 1987[1][2][3] (36 տարեկան) | ||||||||||||||||||||||||||
Ծննդավայր | Ամստերդամ, Նիդերլանդներ | ||||||||||||||||||||||||||
Հասակ | 178 սմ | ||||||||||||||||||||||||||
Քաշ | 73կգ | ||||||||||||||||||||||||||
Դիրք | վինգեր | ||||||||||||||||||||||||||
Ակումբային տեղեկություններ | |||||||||||||||||||||||||||
Ներկա ակումբ |
![]() | ||||||||||||||||||||||||||
Համար | 17 | ||||||||||||||||||||||||||
Պատանեկան կարիերա | |||||||||||||||||||||||||||
| |||||||||||||||||||||||||||
Մասնագիտական կարիերա* | |||||||||||||||||||||||||||
Տարի | Ակումբ | Խաղ | (Գոլ) | ||||||||||||||||||||||||
| |||||||||||||||||||||||||||
Ազգային հավաքական‡ | |||||||||||||||||||||||||||
| |||||||||||||||||||||||||||
| |||||||||||||||||||||||||||
* Մասնագիտական կարիերայում ընդգրկված են միայն առաջնության խաղերը և գոլերը |
Ժերմեին Մարսիանո Լենս (հոլ․՝ Jeremain Marciano Lens, նոյեմբերի 24, 1987[1][2][3], Ամստերդամ, Նիդերլանդներ), հոլանդացի ֆուտբոլիստ, կիսապաշտպան։ Հանդես է գալիս թուրքական «Բեշիկթաշի» և Նիդերլանդների ազգային հավաքականի կազմում։ Կարող է հանդես գալ ինչպես վինգերի, այնպես էլ հարձակվողի դիրքում։ Բայց նա հիմնականում հանդես է գալիս ենթահարձակվողի դիրքում։
Լենսն իր կարիերան սկսել է «ԱԶ Ալկմարի» կազմում, հետագայում վարձավճարով տեղափոխվել է «ՆԷԿ»։ 2010 թվականին ֆուտբոլիստը տեղափոխվել է «ՊՍՎ», որի կազմում դարձել է Նիդերլանդների ֆուտբոլի գավաթակիր։ 2013 թվականին Լենսը միացել է «Դինամո Կիև» ակումբին։ Իր առաջին մրցաշրջանում Լենսը դարձել է Ուկրաինայի ֆուտբոլի գավաթակիր, իսկ 2015 թվականին տեղափոխվել է անգլիական «Սանդերլենդ»։
Նիդերլանդների ազգային հավաքականի կազմում նա մասնակցել է ԱԱ 2014-ին։
Ակումբային կարիերա
[խմբագրել | խմբագրել կոդը]«ԱԶ Ալկմար»
[խմբագրել | խմբագրել կոդը]Նիդերլանդական թիմի կազմում Լենսն իր դեբյուտը նշել է 2005-06 մրցաշրջանի ընթացքում։ Այդ մրցաշրջանում նա թիմի կազմում մասնակցել է 2 հանդիպման։ Մինչև «ԱԶ Ալկմարի» հիմնական կազմ տեղափոխվելը ֆուտբոլիստը հանդես էր եկել «ԱԶ»-ի երիտասարդական թիմում, «Այաքսում» և «Սպարտանում»։ 2006-07 մրցաշրջանի ընթացքում Ժերմեինը մասնակցել է 15 հանդիպման։
«ՆԷԿ»
[խմբագրել | խմբագրել կոդը]2007-08 մրցաշրջանի ընթացքում Ժերմեին Լենսը վարձավճարով հանդես է եկել ՆԷԿ-ի կազմում։ Թիմի կազմում ֆուտբոլիստն անցկացրել է 31 հանդիպում և դարձել 9 գոլի հեղինակ։
Վերադարձ «ԱԶ Ալկմար»
[խմբագրել | խմբագրել կոդը]2008 թվականի հուլիսին Լենսը տարել է ձախ ոտքի վիրահատություն, ինչի պատճառով որոշ ժամանակ չի կարողացել զբաղվել ֆուտբոլով։ 2008-09 մրցաշրջանն անձնական հիասթափություն էր Լենսի համար, քանի որ նա չկարողացավ մասնակցել «ԱԶ»-ի՝ Նիդերլանդների չեմպիոն դառնալու գործին։ Երբ թիմի գլխավոր մարզիչ Լուի Վան Գալը տեղափոխվել է «Բավարիա», ֆուտբոլիստը ավելի մեծ շանսեր է ունեցել խաղալու։ Նոր գլխավոր մարզչի պաշտոնավարման ժամանակ Ժերմեինն սկսել է ավելի լավ հանդես գալ և խփել թիմի համար շատ կարևոր գոլեր[4]։
«ՊՍՎ»
[խմբագրել | խմբագրել կոդը]2010 թվականի մայիսի 21-ին Ժերմեին Լենսը տեղափոխվել է «ՊՍՎ»։ Նա թիմի հետ կնքել է 4 տարվա պայմանագիր։ Նիդերլանդական թիմի կազմում նա ստացել է 9 համարի մարզաշապիկը, իսկ նրա առաջին տարին թիմում ամենահաջողակներից մեկն էր իր ամբողջ կարիերայում։ Եվրոպայի լիգայի շրջանակներում նա 11 խաղում դարձել է 3 գոլի հեղինակ, իսկ Էրեդիվիզիի շրջանակներում դարձել է 10 գոլի հեղինակ 33 խաղում։
2011-12 մրցաշրջանի սկզբում ֆուտբոլիստը ստացել է 11 համարի խաղաշապիկը, որը ազատ էր մնացել Նորդին Ամրաբատի հեռանալուց հետո։ 2011 թվականի նոյեմբերի 6-ին Լենսը դարձել է հեթ-տրիկի հեղինակ «Հերակլեսի» դեմ խաղում, որն առաջինն էր նիդերլանդական թիմի կազմում։
«Դինամո Կիև»
[խմբագրել | խմբագրել կոդը]2013 թվականի հունիսի 18-ին Լենսը տեղափոխվել է ուկրաինական «Դինամո Կիև» և թիմի հետ կնքել է 4 տարվա պայմանագիր[5]։ Թիմի կազմում նա իր առաջին գոլը խփել է օգոստոսի 29-ին՝ Եվրոպայի լիգայի շրջանակներում կայացած «Ակտոբեի» դեմ խաղում, որն ավարտվել է 5-1 հաշվով՝ ուկրաինական թիմի հաղթանակով։ Իր առաջին մրցաշրջանի ընթացքում Լենսն օգնել է թիմին դառնալ Ուկրաինայի ֆուտբոլի գավաթակիր։
Իր երկրորդ և վերջին մրցաշրջանի ընթացքում Ժերմեին Լենսը թիմի կազմում դարձել է Ուկարինայի չեմպիոն և գավաթակիր։
«Սանդերլենդ»
[խմբագրել | խմբագրել կոդը]2015 թվականի հուլիսի 15-ին Ժերմեին Լենսը 4 տարվա պայմանագիր է կնքել Պրեմիեր Լիգայում հանդես եկող «Սանդերլենդի» հետ։ Թիմի կազմում նա իր առաջին գոլը խփել է 2015 թվականի օգոստոսի 29-ին՝ «Աստոն Վիլայի» դեմ խաղում[6]։ Իր երկրորդ գոլը հոլանդացի ֆուտբոլիստը խփել է հոկտեմբերի 3-ին՝ «Վեստ Հեմ Յունայթեդյի» դեմ խաղում։ Այդ հանդիպումն ավարտվել է 2-2 հաշվով[7]։
Նոր գլխավոր մարզիչ Սեմ Ալարդայսի օրոք Լենսը դուրս է մնում հիմնական թիմի ֆուտբոլիստների ցանկից։ Որոշ ժամանակ անց նա հայտարարել է, որ իրեն լավ չի զգում «Սանդերլենդում» և չի եկել Պրեմիեր Լիգա պահեստայինների նստարանին նստելու համար[8]։ Անգլիայի ֆուտբոլի գավաթի խաղարկության երրորդ փուլի՝ «Արսենալի» դեմ խաղում Լենսը բացել է խաղի հաշիվը, սակայն «Արսենալն» ի վերջո հաղթել է 3-1 հաշվով[9]։
«Ֆեներբահչե»
[խմբագրել | խմբագրել կոդը]2016-17 մրցաշրջանի ընթացքում ֆուտբոլիստը հանդես է եկել թուրքական «Ֆեներբահչեի» կազմում[10]։
«Բեշիկթաշ»
[խմբագրել | խմբագրել կոդը]2017 թվականի օգոստոսի 6-ին Ժերմեին Լենսը վարձավճարով տեղափոխվել է «Բեշիկթաշ»[11]։ Թիմի կազմում նա իր առաջին գոլը խփել է «Տրաբզոնսպորի» դեմ խաղում, որն ավարտվել է 2-2 հաշվով։
2018 թվականի հունիսի 7-ին թուրքական ակումբը գնել է ֆուտբոլիստի ամբողջական տրանսֆերը։
Միջազգային կարիերա
[խմբագրել | խմբագրել կոդը]Նիդերլանդների ազգային հավաքական Լենսն առաջին անգամ հրավիրվել է 2010 թվականի մայիսի 3-ին[12]։ Իր դեբյուտը հավաքականի կազմում նա նշել է 2010 թվականի օգոստոսի 11-ին՝ Ուկրաինայի հավաքականի դեմ ընկերական խաղում։ Հանդիպումն ավարտվել է 1-1 հաշվով, իսկ Լենսը խփել է իր հավաքականի միակ գոլը[13]։
Լուի Վան Գալի՝ Նիդերլանդների հավաքականը գլխավորելուց հետո Ժերմեինը դարձել է հավաքականի հիմնական կազմի ֆուտբոլիստներից մեկը։ ԱԱ 2014-ի որակավորման փուլում ֆուտբոլիստը դարձել է 5 գոլի և 5 գոլային փոխանցման հեղինակ[14]։
Լենսը հավաքականի կազմում մասնակցել է ԱԱ 2014-ին[15]։ Նա առաջին անգամ դաշտ է դուրս եկել խմբային փուլի շրջանակներում կայացած Չիլիի հավաքականի դեմ խաղում[16]։ Լենսը մասնակցել է Արգենտինայի հավաքականի դեմ կայացած կիսաեզրափակիչ խաղի բոլոր 120 րոպեներին։ Հանդիպումն ի վերջո ավարտվել է Արգենտինայի հավաքականի հաղթանակով[17]։
Ձեռքբերումներ
[խմբագրել | խմբագրել կոդը]Ակումբային
[խմբագրել | խմբագրել կոդը]- Նիդերլանդների չեմպիոն - 2008-09
- Նիդերլանդների գավաթակիր - 2011-12
- Նիդերլանդների սուպերգավաթակիր - 2009, 2012
- Ուկրաինայի չեմպիոն - 2014-15
- Ուկրաինայի գավաթակիր - 2013-14, 2014-15
Միջազգային
[խմբագրել | խմբագրել կոդը]- Աշխարհի առաջնության բրոնզե մեդալակիր - 2014
Ծանոթագրություններ
[խմբագրել | խմբագրել կոդը]- ↑ 1,0 1,1 FBref.com(բազմ․)
- ↑ 2,0 2,1 Արգենտինական ֆուտբոլի տվյալների շտեմարան (իսպ.)
- ↑ 3,0 3,1 As (իսպ.) — Madrid: PRISA, 1967. — ISSN 1888-6671
- ↑ [1] Արխիվացված 1 Դեկտեմբեր 2009 Wayback Machine
- ↑ https://archive.today/20130624202702/http://www.interfax.co.uk/ukraine-news/dynamo-kyiv-signs-dutch-striker/. Արխիվացված է օրիգինալից 2013 թ․ հունիսի 24-ին. Վերցված է 2013 թ․ հունիսի 19-ին.
{{cite web}}
: Missing or empty|title=
(օգնություն) - ↑ Jurejko, Jonathan (2015 թ․ օգոստոսի 29). «Aston Villa 2–2 Sunderland». Վերցված է 2015 թ․ օգոստոսի 29-ին.
- ↑ Hope, Craig. «Sunderland 2-2 West Ham United: Jeremain Lens goes from hero to villain as he sees red after incredible first-half lob gave Dick Advocaat's Black Cats a two-goal lead which was then squandered». Daily Mail. Վերցված է 2016 թ․ հունվարի 9-ին.
- ↑ Johns, Craig (2015 թ․ դեկտեմբերի 22). «Jeremain Lens unhappy at Sunderland: 'I did not come to the Premier League to sit on the bench'». Chronicle Live. Վերցված է 2016 թ․ հունվարի 9-ին.
- ↑ «Arsenal 3-1 Sunderland: FA Cup third round – as it happened | Football». The Guardian. 2016 թ․ հունվարի 9. Վերցված է 2016 թ․ հունվարի 9-ին.
- ↑ «Fenerbahce sign Sunderland winger Jeremain Lens». BBC Sport. 2016 թ․ օգոստոսի 30.
- ↑ «Beşiktaş sign Sunderland winger Jeremain Lens on loan». Beşiktaş J.K. Official Website. 2017 թ․ օգոստոսի 7. Վերցված է 2017 թ․ օգոստոսի 7-ին.
- ↑ [2] Արխիվացված 5 Մայիս 2010 Wayback Machine
- ↑ «Ukraine vs Netherlands Report». Goal com. website. 2010 թ․ օգոստոսի 11. Արխիվացված է օրիգինալից 2012 թ․ հոկտեմբերի 11-ին. Վերցված է 2011 թ․ փետրվարի 5-ին.
- ↑ «Jermain Lens». UEFA. Վերցված է 2014 թ․ ապրիլի 9-ին.
- ↑ «World Cup 2014: Netherlands announce final World Cup squad». BBC. 2014 թ․ մայիսի 31. Վերցված է 2016 թ․ հունվարի 9-ին.
- ↑ «2014 FIFA World Cup™ - Matches». FIFA. 2014 թ․ հունիսի 23. Արխիվացված է օրիգինալից 2018 թ․ հունիսի 16-ին. Վերցված է 2016 թ․ հունվարի 9-ին.
- ↑ «2014 FIFA World Cup™ - Matches». FIFA. 2014 թ․ հուլիսի 9. Արխիվացված է օրիգինալից 2018 թ․ հուլիսի 16-ին. Վերցված է 2016 թ․ հունվարի 9-ին.
Արտաքին հղումներ
[խմբագրել | խմբագրել կոդը]- Լենսի պաշտոնական Ֆեյսբուքի էջը
- Լենսի պաշտոնական Տվիտերի էջը
- Լենսի պաշտոնական Ինստագրամի էջը
- Լենսը transfermarkt-ում
- Լենսը soccerbase.com-ում
- Լենսը WhoScored.com կայքում
- Լենսը Բեշիկթաշի պաշտոնական կայքում
- Լենսը Պրեմիեր Լիգայի պաշտոնական կայքում
- Լենսը ՈՒԵՖԱ-ի պաշտոնական կայքում
![]() | Վիքիպահեստն ունի նյութեր, որոնք վերաբերում են «Ժերմեին Լենս» հոդվածին։ |
|
|
- Նոյեմբերի 24 ծնունդներ
- 1987 ծնունդներ
- Ապրող անձինք
- Ամստերդամ քաղաքում ծնվածներ
- Անձինք այբբենական կարգով
- Ֆուտբոլիստներ այբբենական կարգով
- ԱԶ Ալկմարի ֆուտբոլիստներ
- Անգլիայի լեգեոներ ֆուտբոլիստներ
- Բեշիկթաշի ֆուտբոլիստներ
- Դինամո Կիևի ֆուտբոլիստներ
- Թուրքական Սուպերլիգայի ֆուտբոլիստներ
- Հոլանդացի ֆուտբոլիստներ
- ՆԵԿ-ի ֆուտբոլիստներ
- Նիդերլանդների հավաքականի ֆուտբոլիստներ
- ՊՍՎ Էյնդհովենի ֆուտբոլիստներ
- Պրեմիեր Լիգայի ֆուտբոլիստներ
- Սանդերլենդի ֆուտբոլիստներ
- Սաութհեմփթոնի ֆուտբոլիստներ
- Տղամարդկանց ֆուտբոլի հարձակվողներ